ဘင်္ဂလီ ၉၀ ကျော်ပါ လှေတစီး ကော့သောင်းမှ ပင်လယ်ပြင်သို့ ပြန်လွှတ်လိုက်

မလေးရှားသို့ ဦးတည်သည့် ဘင်္ဂလားဒေ့ရ်ှနွယ်ဖွား လှေစီးခရီးသည် ၉၀ ကျော်ကို တင်ဆောင်လာသည့် စက်လှေတစီး အင်္ဂါနေ့တွင် ကော့သောင်းမြို့နယ်အတွင်းသို့ ဆိုက်ကပ်လာရာမှ မြန်မာရေတပ်က ဖမ်းဆီးခဲ့ပြီး ကမ္ဘာ့ရေပိုင်နက်သို့ ပြန်ပို့ကာ လွှတ်ပေးခဲ့ကြောင်း ကော့သောင်းရှိ လူဝင်မှု ကြီးကြပ်ရေး ဌာနမှ အရာရှိတဦးက ပြောသည်။

ကမ္ဘာ့ရေပိုင်နက်မှ မြန်မာ့ရေပိုင်နက် (ကော့သောင်း) သို့ ဝင်ရောက်လာသည့် ထိုစက်လှေကို မြန်မာ့ရေတပ် စစ်ရေယာဉ် အမှတ် (၁၁၅) မှ ခွဲထွက်စက်လှေက လိုက်လံဖမ်းဆီးပြီး လှေစီးခရီးသည်များ ဖမ်းဆီးခံရခြင်းဖြစ်သည်။

မြန်မာ့ရေတပ် ဖရီးဂိတ်တစ်စီး ပင်လယ်ပြင်တွေ ကင်းလှည့်နေစဉ်

“လိုက်ဖမ်းတော့ စက်ဆရာနဲ့ ပဲ့နင်းက ရေထဲ ဆင်းပြေးသွားတယ်ပေါ့ဗျာ။ အဲဒါ လှေက မျောပြီး ဝင်လာတော့ကော့သောင်းဘက်ကို ဝင်လာတယ်။ ကမ်းပေါ်ထိ တက်ပြေးတယ်။ ရေတပ်က နောက်က လိုက်တော့ ဖမ်းမိတာပေါ့ ဗျာ” ဟု အမည် မဖော်လိုသည့် ကော့သောင်း လဝက မှ အရာရှိတဦးက ပြောသည်။

အဖမ်းခံရသူများမှာ ရခိုင်ပြည်နယ်၊ မောင်တောခရိုင် ပင်လယ်ကမ်းစပ်ရွာများနှင့် ဘင်္ဂလားဒေ့ရ်ှမှ အစ္စလာမ် ဘာသာဝင် ၉၅ ဦး ဖြစ်ပြီး ၎င်းတွင် ဓမ္မဆရာ ၆ ဦး ပါဝင်ကာ အမျိုးသားများချည်းသာ ဖြစ်သည်ဟုလည်း အဆိုပါ လဝက အရာရှိက ပြောသည်။

၎င်းတို့မှာ ထိုင်းနိုင်ငံမှတဆင့် မလေးရှားနိုင်ငံရှိ ဒုက္ခသည်စခန်းသို့ ဦးတည်သွားကြမည် ဖြစ်ပြီး မြန်မာကျပ်ငွေ ၅ သိန်းနှင့် ညီမျှသည့် မလေးရှားငွေကို လူပွဲစားများအား ပေးဆောင်ရမည် ဖြစ်သည်ဟု စစ်ဆေးမေးမြန်းချက်အရ သိရှိရသည်ဟုလည်း အဆိုပါ လဝက အရာရှိက ပြောသည်။

“ဦးတည်ချက်က ထိုင်းကို ဝင်မယ်။ အဲဒီမှာ အလုပ်လုပ်မယ်။ နောက်ပြီးရင် မလေးနယ်စပ်မှာ ရှိတဲ့ သူတို့ ဒုက္ခသည် စခန်းကို သွားမယ်။ အဲဒီကနေ တတိယနိုင်ငံကို သွားမယ် ပြောတာပဲ” ဟု သူက ပြောသည်။

ယခုကိစ္စသည် နိုင်ငံရေး ဒုက္ခသည်ကိစ္စ မဟုတ်ကြောင်းနှင့် လူကုန်ကူးမှု ကိစ္စသာ ဖြစ်ကြောင်းလည်း သူက ဆိုသည်။

 စစ်ဆေးမေးမြန်းပြီးနောက် အင်္ဂါနေ့ ညနေပိုင်းတွင်ပင် ကမ္ဘာ့ရေပိုင်နက်သို့ ပို့ကာ ပြန်လွှတ်လိုက်သည်ဟု

ကော့သောင်းရဲစခန်းနှင့် နီးစပ်သူတဦးက ပြောသည်။

“သူတို့က တိုင်းရင်းသား ဘာသာစကား၊ ရခိုင်စကားလည်း မပြောနိုင်ကြဘူး။ ဗမာစကားလည်း မတတ်ကြဘူး။ အဲဒါကြောင့် မရှုပ်ချင်လို့ လိုအပ်တဲ့ ရိက္ခာတွေ ကူညီထည့်ပြီး ပြန်လွှတ်လိုက်တာ” ဟု ရဲစခန်းနှင့် နီးစပ်သူကပြောသည်။

(မောင်ကျောက်ခဲ အဖွဲ့)
___________________________________________________________________