့မြန်မာ့ပထမဦးဆုံး (သွေး)ခွဲခြမ်းစိတ်ဖြာရေးစက်

ရန်ကုန်မြို့တော်ရှိ အမျိုးသားသွေးဌာနသို့ သွေးအများအပြား သွင်းရသော လူနာများတွင် အဖြစ်များသည့် သွေးမှတစ်ဆင့် ပြန့်ပွားသော ဗိုင်းရပ်စ်နှင့် ရောဂါများ ကာကွယ်နိုင်ရန် အမေရိကန်ဒေါ်လာ ၆၀,၀၀၀ (မြန်မာငွေကျပ် သိန်း ၅၀၀) တန်ဖိုးရှိ သွေးခွဲစက်ကို ဂျပန်တာရူးမို(Terumo) ကုမ္ပဏီက ပြည်တွင်းရှိ သုခဓန ကုမ္ပဏီမှတစ်ဆင့် အောက်တိုဘာလ ၅ ရက်နေ့တွင် လှူဒါန်းခဲ့သည်။

 ယင်းစက်၏ အရေးပါပုံမှာ WBC သွေးဖြူဥထဲ ပါဝင်သော Leucocyte များကို ဖယ်ရှားပေးကြောင်း၊ အဆိုပါ Leucocyte မှာ မကြာမကြာ သွေးသွင်းရသူများအဖို့ ဖျားနာခြင်းများ ဖြစ်စေနိုင်သကဲ့သို့ ၎င်း Leucocyte များ ပမာဏများလာပါက Allo Immunisation ကဲ့သို့သော ခန္ဓာကိုယ်အတွင်းရှိ သွေးများကို ဆွပေးပြီး သွင်းသမျှ သွေးများကို ပြန်ခုခံသည့် ဖြစ်စဉ်များအပြင် သွေးမှတစ်ဆင့် ပြန့်သော ဗိုင်းရပ်စ်နှင့် ရောဂါများကို ကာကွယ်နိုင်မည်ဖြစ်ကြောင်း အမျိုးသားသွေးလှူဌာနမှ တာဝန်ခံဆရာဝန်ကြီး တွဲဖက်ပါမောက္ခ ဒေါက်တာသီတာအောင်က ပြောကြားသည်။

 “မြန်မာပြည်မှာတော့ ပထမဦးဆုံးစက်ပေါ့။ သွေးသွင်းခံရတာများတဲ့ လူနာတွေ အဖြစ်များတဲ့ ရောဂါတွေကို ကာကွယ်နိုင်မှာပါ” ဟု ၎င်းက ပြောကြားသည်။ အဆိုပါစက်သည် လူ၏ သွေးတွင် ပါဝင်သော သွေးအမျိုးအစား လေးမျိုးဖြစ်သည့်

• သွေးဖြူဥ၊ 
• သွေးနီဥ၊
•  ပလိတ်လတ် 
•  ပလာစမာ 

အစရှိသည်တို့ကို ခွဲခြားပေးပြီး ရောဂါအမျိုးအစားပေါ် မူတည်၍ လိုအပ်သည့် သွေးအမျိုးအစားကို လူနာရှင်ကို ထည့်သွင်းပေးနိုင်မည်ဖြစ်ပါသည်။

 ထို့ကြောင့် သွေးတစ်ပုလင်းမှ လူနာလေးဦး၏ အသက်ကို ကယ်နိုင်မည်ဖြစ်ကြောင်း သုခဓနကုမ္ပဏီ၏ ဒါရိုက်တာ ဦးသန်းဝင်းက ပြောကြားသည်။ ရန်ကုန်အမျိုးသား သွေးဌာနသည် တစ်လလျှင် သွေးယူနစ်ပေါင်း ၃၅၀၀ မှ ၄၀၀၀ အကြား သိုလှောင်ထားပြီး ရန်ကုန်ကလေး ဆေးရုံကြီး၊ အမျိုးသမီးဆေးရုံ၊ ရန်ကုန်အရှေ့ပိုင်းဆေးရုံ၊ ရန်ကုန်အနောက်ပိုင်းဆေးရုံ၊ မြောက်ဥက္ကလာပ ဆေးရုံ၊ အင်းစိန်ဆေးရုံနှင့် သင်္ဃန်းကျွန်းဆေးရုံတို့မှအပ ရန်ကုန်မြို့ရှိ ရန်ကုန်ပြည်သူ့ဆေးရုံကြီး အပါအဝင် ဆေးရုံကြီး ကိုးရုံကို ခွဲတမ်းချ ဖြန့်ဖြူးပေးလျက်ရှိပါသည်။
(မောင်ကျောက်ခဲ အဖွဲ့)
_____________________________________________________________