ရင်ထဲကို စူးနင့်စေသော ဓါတ်ပုံတစ်ပုံ

ရေခဲကမ္ဘာတဲ့..မြန်မာနိုင်ငံလို နေရာအတွက် ထူးဆန်းတယ်..ရှိသင့်တယ်..ဒီထက်ကြီးကျယ်သင့်တယ်..အားပေးတယ်ဗျာ..။

ဒီဓါတ်ပုံလေးကို ကြည့်ပြီး အတွေးတွေဝင်လာတယ်..မပြောပြတတ်ဘူး..ပြောစရာ စကားလုံး
တွေ ထွက်မလာဘူး..ဘာရယ်တော့ မသိဘူး..
ဒီသီလရှင်လေးတွေ ကြည့်ရတာ ရင်ထဲမှာ တကယ်မကောင်းဘူး..ဆို့နင့်လာတယ်..။
သူတို့ မျက်လုံးတွေက ဘာကိုကြည့်နေတာလဲ..။
သူတို့ ဘာကို .....
သူတို့ ဘာဖြစ်ချင်နေကြတာလဲ..။
သူတို့ ဘာကိုတောင့်တနေတာလဲ..။
သူတို့အရွှယ်လေးတွေနဲ့ သာသနာ့ဘောင်ထဲရောက်ပေမဲ့ ကလေးစိတ်မကုန်သေးဘူးဆိုတာ
သိနေတယ်..သူတို့လည်း လောကီဘုံသားကလေးတွေလို အဲဒီအဆောက်အအုံထဲကို
ဝင်ပြီး စူးစမ်းချင်တာလား..
သူတို့လည်း ဝင်ချင်နေတာလား..ဝင်ချင်နေတာတော့ သေချာတယ်..
ဝင်ကြေးမြင့်တယ်..မြင့်မှာပေါ့..ဆောက်လုပ်မှူ တက္ကနစ်နဲ့တော့ ဈေးချိန်ညှိထားတာပဲ..
သူတန်ရာပြန်ယူတာပဲ..ဈေးသင့်ပါတယ်..
ကျွန်တော်တို့ ဒီ ပုံလေးတွေ့တော့ ရင်ထဲမှာ ဘာဖြစ်သွားမှန်းမသိဘူး..အားလုံးရင်ထဲမှာ
မတိုင်ပင်ထားတဲ့ နာမည်တပ်လို့မရတဲ့ ခံစားမှူတစ်ခု တစ်ဖွဲ့လုံးဆီ ကူးစက်လာတယ်..
ခေါင်းစဉ်မရှိဘူး..နိဒါန်း စာကိုယ် နိဂုံး တစ်ခုမှ မရှိဘူး...စကားလုံးဝေါဟာရတွေနဲ့
သဒ္ဒ့ါကျကျ စီစဉ်ထားတဲ့ ရေးသားနိုင်မှူ ပေါ်မလာဘူး...
ဘာလဲ...
ဘာလို့ လဲ..
သူတို့ ဘာဖြစ်နေတာလဲ..
သူတို့ ဘာကိုတောင့်တနေတာလဲ..
သူတို့ ဘာတွေပြောချင်နေတာလဲ..
သူတို့ ဘာကြောင့် ဒီလို ရပ်နေတာလဲ..
ဒီဓါတ်ပုံတစ်ခုထဲနဲ့ ကျွန်တော်တို့ ရက်ပေါင်းများစွာ ခံစားခဲ့ရတယ်..
အခုထိလည်း နင့်နေအောင် ခံစားနေရတုန်းပဲ..
ပြန်ကြည့်တိုင်း ရင်ထဲမှာဆို့နင့်မှူတစ်ခုကလွှဲလို့ ...သူတို့ရဲ့ အဲဒီနေရာမှာ မတ်တပ်ရပ်ပြီးငေး
မောမှူနဲ့ သူတို့ရဲ့ဆိုလိုရင်းတွေကို အဖြေမထုတ်တတ်ဘူး..
ကျွန်တော်တို့ ရင်ထဲ အလိုလိုရောက်လာတဲ့ ဆို့နင့်မှူခံစားချက် က ဘာကြောင့်အဲလိုဖြစ်တာလဲ...
ဘာကြောင့်...ဘာကြောင့်...ဘာကြောင့်...ဆိုတဲ့မေးခွန်းနဲ့ ကျွန်တော်တို့ ၅ ရက်လုံးလုံး အဖြေ
ရှာမတွေ့ခဲ့ဘူး..။
ခုလည်း ကြည့်တိုင်း ရင်ထဲ ဆို့တတ်လာဆဲပါပဲ..။

မောင်ကျောက်ခဲအဖွဲ့ဝိုင်းတော်သားများ

Readmore »

မဲလိမ်ရင် ထောင်ဒဏ် ငွေဒဏ် ချမယ်

ရွေးကောက်ပွဲ မဲပေးပိုင်ခွင့်တို့တွင် မလျှော်သြဇာသုံးခြင်း မပြုနိုင်ရန် လိမ်လည်ခြင်း ပြုလုပ်ပါက ထောင်ဒဏ် ငွေဒဏ် ချခံရနိုင်

မည်သူမဆို ရွေးကောက်ပွဲများတွင် ပုဂ္ဂိုလ်တစ်ဦး၏ ဆန္ဒမဲပေးပိုင် ခွင့်နှင့် ရွေးကောက်တင်မြှောက် ခံပိုင်ခွင့်တို့ကို ကျင့်သုံးခြင်း မပြုနိုင်စေရန် အကြမ်းဖက်ခြင်း၊ ခြိမ်းခြောက်ခြင်း၊ မလျော်သြဇာ သုံးခြင်း၊ လိမ်လည်လှည့်ဖြားခြင်း၊ လာဘ်ပေးခြင်း သို့မဟုတ် လာဘ်ယူခြင်းကို ပြုလုပ်ကြောင်း ပြစ်မှု ထင်ရှား စီရင်ခြင်း ခံရပါက ထောင်ဒဏ်၊ ငွေဒဏ်ချမှတ် ခံရနိုင်ကြောင်း ပြည်သူ့လွှတ်တော်၊ အမျိုးသားလွှတ်တော်နှင့် တိုင်းဒေသကြီး လွှတ်တော် သို့မဟုတ် ပြည်နယ် လွှတ်တော် ရွေးကောက်ပွဲ ဥပဒေများတွင် ပြဋ္ဌာန်းထားချက်အရ သိရသည်။

မည်သူမဆို ရွေးကောက်မှုဆိုင်ရာ အခွင့်အရေးကို မတရားသဖြင့် ရရှိစေရန်သော် လည်းကောင်း၊ ယင်းအခွင့်အရေးကို ရရှိခဲ့ခြင်းအတွက် ကျေးဇူးတုံ့ပြန်သည့် အနေဖြင့် သော်လည်းကောင်း ငွေ၊ ပစ္စည်း၊ အစားအသောက်၊ ရာထူး၊ အလုပ်အကိုင် နေရာပြောင်းရွှေ့မှု သို့မဟုတ် အခြားအခွင့်အရေး တစ်ခုခုကို အသုံးပြုလျက် လာဘ်ပေးခြင်း သို့မဟုတ် လာဘ်ယူခြင်း၊ ရွေးကောက်မှုဆိုင်ရာ အခွင့်အရေးကို လွတ်လပ်စွာ မကျင့်သုံးနိုင်စေရန်
ပြည်သူ့လွှတ်တော် ရွေးကောက်ပွဲဥပဒေ အခန်း (၁၃) ရွေးကောက်ပွဲ ဆိုင်ရာပြစ်မှုများနှင့် ပြစ်ဒဏ်များပါ ပုဒ်မ ၅၇ တွင် “မည်သူမဆို ရွေးကောက်ပွဲများတွင် ပုဂ္ဂိုလ်တစ်ဦး၏ ဆန္ဒမဲ ပေးပိုင်ခွင့်နှင့် ရွေးကောက်တင်မြှောက် ခံပိုင်ခွင့်တို့ကို ကျင့်သုံးခြင်း မပြုနိုင်စေရန် အကြမ်းဖက်ခြင်း၊ ခြိမ်းခြောက်ခြင်း၊ မလျော်သြဇာသုံးခြင်း၊ လိမ်လည်လှည့်ဖျားခြင်း၊ လာဘ်ပေးခြင်း သို့မဟုတ် လာဘ်ယူခြင်းကို ပြုလုပ်ကြောင်း ပြစ်မှု ထင်ရှား စီရင်ခြင်းခံရလျှင် ထိုသူအား တစ်နှစ်ထက် မပိုသော ထောင်ဒဏ်ဖြစ်စေ၊ ကျပ် တစ်သိန်းထက် မပိုသော ငွေဒဏ်ဖြစ်စေ၊ ဒဏ်နှစ်ရပ်လုံးဖြစ်စေ ချမှတ်ရမည်” ဟူ၍ပြဋ္ဌာန်းထားသည်။

ထို့ပြင် ပုဒ်မ ၅၈(က)(ခ)တွင် “မည်သူမဆို ရွေးကောက်မှုဆိုင်ရာ အခွင့်အရေးကို မတရားသဖြင့် ရရှိစေရန်သော် လည်းကောင်း၊ ယင်း အခွင့်အရေးကို ရရှိခဲ့ခြင်းအတွက် ကျေးဇူးတုံ့ပြန်သည့် အနေဖြင့် သော်လည်းကောင်း ငွေ၊ ပစ္စည်း၊ အစားအသောက်၊ ရာထူး၊ အလုပ်အကိုင် နေရာပြောင်းရွှေ့မှု သို့မဟုတ် အခြားအခွင့်အရေးတစ်ခုခုကို အသုံးပြုလျက် လာဘ်ပေးခြင်း သို့မဟုတ် လာဘ်ယူခြင်း၊ ရွေးကောက်မှု ဆိုင်ရာအခွင့်အရေးကို လွတ်လပ်စွာ မကျင့်သုံးနိုင်စေရန် လွှတ်တော် ကိုယ်စားလှယ်လောင်း တစ်ဦးဦးကို သော်လည်းကောင်း၊ ဆန္ဒမဲပေးပိုင်ခွင့်ရှိသူ တစ်ဦးဦးကို သော်လည်းကောင်း ခြိမ်းခြောက်ခြင်း ပြုလုပ်မှု တစ်ရပ်ရပ်ကို ကျူးလွန်ကြောင်း သို့မဟုတ် ကျူးလွန်ရန် အားပေးကူညီကြောင်း ပြစ်မှုထင်ရှား စီရင်ခြင်း ခံရလျှင် ထိုသူအား တစ်နှစ်ထက် မပိုသော ထောင်ဒဏ်ဖြစ်စေ၊ ကျပ်တစ်သိန်းထက် မပိုသောငွေဒဏ်ဖြစ်စေ၊ ဒဏ် နှစ်ရပ်လုံးဖြစ်စေ ချမှတ်ရမည်” ဟူ၍ ပြဋ္ဌာန်းထားသည်။

အမျိုးသားလွှတ်တော် ရွေးကောက်ပွဲဥပဒေနှင့် တိုင်းဒေသကြီး လွှတ်တော် သို့မဟုတ် ပြည်နယ် လွှတ်တော်ရွေးကောက်ပွဲ ဥပဒေတို့တွင် ပါဝင်သော ရွေးကောက်ပွဲဆိုင်ရာ ပြစ်မှုများနှင့် ပြစ်ဒဏ်များ အခန်း၌ ပြည်သူ့လွှတ်တော် ရွေးကောက်ပွဲ ဥပဒေတွင် ပြဋ္ဌာန်း ထားသော ပြစ်မှုများ နှင့် ပြစ်ဒဏ်များ ကဲ့သို့ပင် ပြဋ္ဌာန်းထားသည်။
________________________________________________________________
 မောင်ကျောက်ခဲအဖွဲ့ ဝိုင်းတော်သားများ

Readmore »

DKBA သို့ သိမ်းယူထားသော လက်နက်များ အစိုးရမှတဆင့် ပြန်လည် အပ်နှံလိုက်ပြီ

ယခင် ရက်သတ္တပတ်က ဖြစ်ပွါးသော မြိုင်ကြီးငူဒေသ အခြေစိုက် BGF တပ်ရင်းတစ်ခုသည် DKBA မှ လက်နက်များ သိမ်းယူမှူကြောင့် အစိုးရ နှင့် ချူပ်ဆိုထားသော အပစ်အခတ်ရပ်ဆဲရေး

စာချူပ်အပေါ် သံသယ ဝင်လာပြီး ၄င်းတို့ ဘက်က ဖျက်သိမ်းကြောင်း DKBA မှ ကြေငြာခဲ့ပါတယ်။

ယခု အခါ အစိုးရ၏  ပြည်တွင်းငြိမ်းချမ်းရေးကို တကယ်လက်တွေ့ ဖော်ဆောင် နေသော စေတနာဖြင့်

ကြီးထွားလာမည့် ထိုပြဿနာအား ကြားဝင်စေ့စပ်ပြီး လက်နက်များ ပြန်လည်ပေးခြင်းဖြင့် DKBA အား
အစိုးရသည် ငြိမ်းချမ်းရေးကို တကယ်လိုလားနေကြောင်း သက်သေ ပြသလိုက်ပြီ ဖြစ်ပါတယ်။

နယ်ခြားစောင့်တပ်များနှင့် DKBA တပ်များ အကြားဖြစ်ပွါးသော လက်နက်သိမ်းယူမှူ ကိစ္စရပ်အား

ယခုအခါ အစိုးရ ကြားဝင်စေ့စပ်မှူနှင့် BGF မှ သိမ်းယူထားသော DKBA ၏ လက်နက် ၃၂ လက်ကို

သောကြာနေ့ မွန်းလွှဲပိုင်းက ပြန်လည် ပေးအပ်လိုက်ပြီ ဖြစ်ပါတယ်။

ထို့ကြောင့် DKBA အနေဖြင့် ချူပ်ဆိုထားသော စာချူပ်အား အသက်ဝင်နေသေးတယ် ဟူသော အပြောဖြင့်သာ မဟုတ်ပဲ ယခင်ရက်သတ္တပတ်က စာချူပ်ကို ဖျက်သိမ်း

သည်ဟု ကြေငြာစဉ်ကလို ပြန်လည် ကြေငြာပေးလျှင် ပိုကောင်းမွန်မည်ဟု ထင်မိပါသည်။

အစိုးရ၏ ပြည်တွင်းငြိမ်းချမ်းရေး အစီအစဉ်အတိုင်းဖော်ဆောင်ရာတွင် KIA နှင့် အပြီးသတ်အထိ ညှိနှိူင်း

ရန် ကျန်ရှိနေပါသေးသည်။

ပြည်တွင်းငြိမ်းချမ်းမှူ မရှိခြင်းသည် ရှေ့ဆက်ရမည့်လမ်းအတွက် ကြီးမားသော ခလုတ်ကန်သင်း ဖြစ်သည်

ကို အားလုံး သိရှိလင့်ပေသော်ငြားလည်း  ငြိမ်းချမ်းရေး ဟူသော စကားရပ်အောက်သို့ အဘယ့်ကြောင့် အ

လုံးစုံ ဝင်ရောက်ရန် ရှောင်ဖယ်နေကြပါသနည်း။တိုင်းရင်းသား လက်နက်ကိုင်များအကြား စွဲမှတ်နေသော

ဗမာ ဆန့်ကျင်ရေး ဗမာ မုန်းတီးရေး သည် အဘယ့်ကြောင့် ယခုအချိန်ထိ လက်စွဲထားပါသေးသနည်း။

တိုင်းရင်းသား ဟူသော စကားရပ်တွင် ဗမာသည်လည်း တိုင်းရင်းသား ပင်ဖြစ်သည်။မိမိတို့သည် ညီအကိုချင်း

ပြန်လည်တိုက်ခိုက်နေကြပါသည်။ထိုသို့တိုက်ခိုက်မှူ နောက်ဝယ်တွင် မည်သူများ အမြတ်ရရှိနေပါသနည်း။

ထိုအချင်းအရာကို တိုင်းရင်းသား လက်နက်ကိုင်များ ပိုမိုသိရှိပါသည်။

တိုင်းရင်းသားများ အမြန်ဆုံး ငြိမ်းချမ်းရေး ရရှိစေလိုပါသည်။ပူးပေါင်းဆောင်ရွှက်ကြစေလိုပါသည်။

ကျွန်ုပ်တို့ ကိုယ်တွင်းမှ သွေးများသည် ညီအကိုချင်း ဖြန်းပက်ရန် ဖောက်ထုတ်ရန် မဟုတ်စေလိုပါ

ထိုသွေးများဖြင့် အနာဂတ်ပြည်ပရန်တံတိုင်းများကို ခိုင်မာစေရန် သွန်းလောင်းစေချင်ပါသည်.

ကျွန်ုပ်တို့ ညီအကိုချင်း မတည့်မှူကြောင့် ကျခဲ့သောသွေးများ ကျဆုံးခဲ့သော နှစ်ဘက် စစ်သည်များ၏ 

 ခန္ဓာကိုယ်မှ ဖြစ်သော မြေသြဇာများကို အနာဂတ် နိုင်ငံတော်အတွက် အသုံးဝင်သော ကောက်ပင်သီးနှံ

များဖြင့် ကြွယ်ဝစေလိုပါသည်။

ညီအကိုများ ညီညွှတ်စွာဖြင့် ငြိမ်းချမ်းရေးဟူသော အရိပ်အောက်သို့ အားလုံး လက်တွဲညီစွာ ရောက်ရှိစေလိုကြောင်း ပန်ကြားအပ်ပါသည်။

မောင်ကျောက်ခဲအဖွဲ့ ဝိုင်းတော်သားများ

Readmore »