KIA ရဲ့ မိုင်းကွဲလို့ ကချင်ပြည်သူတစ်ယောက် သေပြန်ပြီ

၂၀၁၂ ခုနှစ် အောက်တိုဘာလ (၁၂) ရက်နေ့တွင် မိုးကောင်းမြို့နယ် ၊ နန့်ဟိုင် ကျေးရွာ၏ အရှေ့ဘက်တွင် KIA ထောင်ထားသော မိုင်းတစ်လုံးပေါက်ကွဲ၍ ဒေသခံရွာသားတစ်ဦး သေဆုံးပြီး တစ်ဦးဒဏ်ရရခဲ့ကြောင်း သတင်းရရှိပါခဲ့ပါတယ်။ မိုးကောင်းမြို့နယ်၊ နန့်ဟိုင်ရွာသား ဦးအင်ခွန်လ နှင့် ဦးအင်ခွန်ဂစ် တို့သားအဖနှစ်ဦးသည် အောက်တိုဘာလ (၁၈) ရက်နေ့ နံနက်ပိုင်း (၈) နာရီခန့်တွင် ရွာ၏အရှေ့ဘက် လယ်တောစပ်တွင် စက်စာခူးနေစဉ်၌ KIA မှထောင်ထားသော မိုင်းတစ်လုံးနင်းမိပေါက်ကွဲခဲ့သဖြင့် ဖခင်ဖြစ်သူ ဦးအင်ခွန်ဂစ်မှာ နေရာတွင်ပင် ပွဲချင်းပြီး သေဆုံးသွားခဲ့ပြီး သားဖြစ်သူ အင်ခွန်လမှာ ဒူးဆစ်အောက်ပိုင်းတွင် စုတ်ပြတ်သွားခဲ့ကြောင်း သိရပါတယ်။ မိုင်းအား သားဖြစ်သူ အင်ခွန်လမှ နင်းမိခြင်းဖြစ်ပြီး သေဆုံးသူ ဦးအင်ခွန်ဂစ်မှာ နောက်ဘက်တွင် ရှိနေစဉ် မိုင်းစ ခေါင်းကိုမှန်၍ သေဆုံးခြင်းဖြစ်သည်။

သေဆုံးသွားသူ ဦးအင်ခွန်ဂစ် နှင့် ဒဏ်ရာရသူ ဦးအင်ခွန်လတို့အားရွာသို့ သယ်ဆောင်လာပြီး ဒဏ်ရာရသူ အင်ခွန်လအား ရွာတွင်ပင် ကချင်ရိုးရာဆေးဖြင့် ကုသနေကြောင်း သိရသည်။ “ သူ့ကို မြို့ကို မပို့ရဲဘူး ၊ KIA ကပြောထားတယ် ၊ မြို့ပေါ်မပို့နဲ့ ဒီမှာပဲရအောင်ကုလို့ ပြောထားလို့ ၊ အရင် တစ်ခါ ရွာကလူတွေ မိုင်းနင်းတုန်းက မြို့ပေါ်ပို့တာနဲ့ သူတို့တွေကို အထောင်းခံရတယ်လို့ ပြောတယ်။ မိုင်းတွေကလည်း အများကြီးဘဲ ဒီရွာကတင် မိုင်းနင်းမိလို့သေတာ အင်ခွန်ဂစ်နဲ့ဆို နှစ်ယောက်ရှိပြီ ”ဟု နန့်ဟို ရွာသားတစ်ဦးကဆိုသည်။

 KIA တို့သည် ဗမာစစ်တပ်များအား ရည်ရွယ်၍ မိုင်းထောင်ခြင်း ၊ ဆွဲမိုင်းခွဲခြင်း ၊ ရီမုဖြင့် မိုင်းခွဲခြင်းများ ဆောင်ရွက်နေပြီး ၊ နင်းမိုင်းအများစုမှာ ရွာသားများနင်းမိနေကြောင်း သိရသည်။ ကချင်ပြည်နယ်အတွင်းမှာ အလားတူဖြစ်စဉ်မျိုးများစွာရှိခဲ့ပြီး လက်ရှိအချိန်အထိ KIA မှထောင်ထားသော မိုင်းနင်းမိ၍ သေဆုံး/ ဒဏ်ရာရသူ ယခုနင်းမိသူများအပါအ၀င် ဒေသခံ အရပ်သား (၁၀၄) ယောက် ရှိနေပြီလို့ သိရပါတယ်။ KIA မှ အစိုးရတပ်အတွက် ရည်ရွယ်ထောင်ထားသော မိုင်းများဟာ ဒေသခံများ အတွက် အန္တရာယ် ဖြစ်လျက်ရှိသဖြင့် ဒေသခံ ရွာသူရွာသားများဟာ စိုးရိမ်ကြောက်ရွံ့လျက်ရှိပါတယ်။
 ယခင်ဒေသခံများမိုင်းနင်းမိသတင်းများ
 http://www.kachindailynews.com/2012/10/kia_7.html http://www.kachindailynews.blogspot.com/2012/04/kia_24.html http://www.kachindailynews.blogspot.com/2012/02/blog-post_02.html

<မောင်ကျောက်ခဲ>
_____________________________________________________________________